เนื้อเพลง ฮักเทื่อสุดท้าย โดย บอย ศิริชัย

ขอฮักเจ้าเป็นคนสุดท้าย
แม่นฟ้าอ่วยหงาย
ดินทรายสิปี้นแปรเปลี่ยน
ขออยู่คู่กัน ดั่งแสงดาวพราวเกี้ยวดวงเดือน
บ่ถิ่มให้ไลลืมเลือน ห่างหาย หนีไปจากกัน

เฮ็ดบุญฮ่วมสร้างกันมาแต่ซาติก่อนกี้
จั่งได้พ้อซาตินี่หนอคนดีแม่ศรีวรรนา
หัวใจเพพัง หลายครั้งจนมีน้ำตา
กะย้อนเจ้านี้ละหวา
ปาดน้ำตาลบฮอยความช้ำ

ผู้แก้มอ่ำถำ จักแต่กี้ไปหลี้อยู่ไส
กว่าจะเจอเส้นชัย
ยอดดวงใจของอ้ายคนนี้
สัญญากับใจ เฮือกสุดท้ายขอฮักคนดี
ตลอดไปชาตินี้ ทั้งชีวีขอฮ่วมเฮียงนอน

คำก่ำก้อน ผู้คำก่ำก้อน แม่ดอกบัวซอนเบิ่งใจอ้ายแหน่
สาธุเด้อ ขอให้เป็นฮักแท้ อย่าแปรปี้นเปลี่ยนหนี
ตราบชีพนี้อ้ายขอฮ่วมกับนาง
เป็นพลังให้กันและกันชั่วกาลนานเนิน
เชิญพรมฟ้าลงมาลิงล่ำ
ฮักอย่ามีบอบช้ำให้ดีได้สู่อัน

เอิ้นว่าฮักเป็นเทื่อสุดท้าย
เอิ้นว่าฮักเป็นเทื่อสุดท้าย
บ่มีความหมายแนวใดสิมาพังม้าง
อย่าคิดทำลายให้รักสลายอีกครั้ง
ให้มั่นให้แก่นสายแนนแฟนอ้ายจีรัง
จะดีหรือว่าจะพัง ฝากความหวังเอาไว้กับนาง

ให้คือหนทางอยู่คู่กับเกวียนน้อย
ให้หวานคือกกอ้อย บ่ถิ่มแนงแพงใบ
ให้ฮักชั่วนิรันดร์กาล
คู่กันนานนาน บ่ว่าสิเป็นชาติใด๋
ฮักเจ้าเป็นคนสุดท้าย
คันแม่นอ้ายตาย กะขอตายกับนาง

คู่กันกะอย่าลาไลฮ้าง
อย่าลากะอย่าลาไลฮ้าง
เป็นพลังซ่อยกันสร้างก่อ
ฮักใดน้อ กะบ่ท่อฮักเจ้า ฮักเจ้า น้อฮักเจ้า ฮักเจ้า

อย่ามีเศร้าให้ผ่องใส
ฝากหัวใจเอาไว้กับน้อง
อยู่คู่ครองกับรักครั้งนี้
ฮักคุณคนดี อีหลีเด้อ